澳葡式餐厅下午茶推介,特色风味小吃甜品

herntuns

英式、日式、港式下午茶大家都试唔少，澳葡式下午茶你又试过未呢？呢个以土生葡菜为主题嘅土生葡人下午茶（Chá Gordo）就够晒特色啦！

Chá Gordo系土生葡人家族嘅传统，由於土生葡人嘅食谱一般只会喺家族内部世代相传，所以真系好难得可以食到！

土生葡人下午茶融合咗葡萄牙古老饮食传统同东方美食文化，系澳门饮食文化嘅重要部份。

呢个咁有特色嘅土生葡人下午茶有将近30款就嚟绝迹嘅澳葡美食，包括煎炸咸点、手造甜品糕点同蒸点心，仲有特色无花果蜜同西洋菜蜜添啊！

1. 炸咖哩肉碎包

呢个可以话系必食之选！净系睇到个包表面炸到金黄色咁就已经令人食慾大增。

咖哩味极之香浓～而肉碎保持一粒粒，令个馅料好有咬口。

咖哩同肉碎比例啱啱好，个馅唔会太乾或者太多汁，加埋炸到外脆内软，一啲都唔油嘅面包，劲有水准！必试！

2. 鲜虾叉烧酸姜炒米粉

呢碟米粉超级足料！原只虾仁只只都劲弹牙，叉烧亦都肥瘦适中。

配料出色之余，米粉都同样好味，唔会过腍！加埋酸姜够晒开胃！

3. 杏仁松子蛋糕

除咗咸点之外，仲有好多甜品选择！

成日食奶油蛋糕，不如试下呢个杏仁松子蛋糕喇！

蛋糕松软得嚟好重蛋香，蛋糕上面嘅松子同杏仁令口感更加丰富～杏仁同松子唔单止增加咗蛋糕嘅香味，仲对健康好有益添！食多啲都唔怕啦。

呢个土生葡人下午茶更加邀请到经验丰富嘅土生葡人Antonieta Fernandes Manho女士（Neta）担任客席厨师，佢喺澳门土生土长，对於传统澳葡菜肴充满热诚。

今次嘅土生葡人下午茶食谱加上Chef Neta传统嘅制作贴士，绝对可以食到澳门蛋卷正宗嘅地道澳葡风味！

除咗美食吸引之外，酒店餐厅嘅环境都好靓，好舒适。

餐厅装修典雅高贵，适合情侣嚟撑下枱脚，或者一班人一齐嚟high tea轻松下。