中秋边赏月边欣赏海景,任食任烧BBQ/Party Room推介

renvoens

中秋节约朋友去边度赏月、庆中秋嘅你地，不坊可以参考下小编嚟紧推介比大家4个中秋好去处，分别2间有户外嘅Party Room、同埋2个任食任烧烧烤场。一於约埋大班朋友拣个地方去过中秋啦，有啲场内已经包括各式烧烤美食，非常方便，有得玩，有得食，抬头仲见到又大又圆嘅月光添。

1.180度维港海景赏月+任饮任食BBQ

上环呢间Party Room有得对住维港海景赏月真系无得输呀！而且包括任饮任食BBQ，不过客人亦可以自行携带额外食品～除咗户外超大空间比你BBQ食野赏月之外，室内都有好多娱乐设施，卡拉OK，飞标机，游戏机，Board Game，啤牌，骰盅等。

BBQ任食食品：牛排，猪扒，猪颈肉，鸡扒，鸡中翼（两种味道） ，火鸡肾，墨鱼丸，贡丸，牛丸，龙虾丸，鱼片头，鱼肉烧卖，司华力肠，鸡肉肠，芝士肠，红肠，面包，茄子，粟米，翠玉瓜，青椒，豆卜，娃娃菜，金菇菜，鲜冬菇。

另可+$50/位 升级海鲜餐 （每位一份）

有虎虾，龙利柳，墨鱼仔，扇贝，青口。

2. 新蒲岗4千尺大型空中花园派对场地

呢间工厦party room提供多元化派对场地及到会服务，场地约4千尺，最多可容纳150人！包仼饮无酒精饮品，不过入场费就唔包括任何食物，客人需要自备食物但不另收费，而烧烤炉租借需$200/个，不过预订指定嘅食物供应商可豁免租炉费用。

仲有多功能活动室有影音区，可以播放卡拉ok或电影。仲有儿童游戏区，有海棉大积木，迷你街机，迷你小厨房，弹弹马，扭扭车可供小朋友玩。

3. 马鞍山过万尺有盖BBQ烧烤场/海边独立BBQ屋

白石BBQ烧烤场位於马鞍山乌溪沙，可以饱览吐露港、八仙岭及船湾淡水湖大坝嘅壮丽景色，碧海蓝天，最适合去中秋赏月！BBQ场地设有可容纳过千人占地过万尺嘅大型露天场地，仲有备有舞台、有盖BBQ烧烤场同埋优美海边独立屋，啱晒一家大细去庆中秋，享受大自然，睇落日美景、BBQ烧烤好去处。

澳门必去景点场地仲提供咗各类娱乐活动，如超巨型户外儿童弹床、风筝区等。除咗有盖BBQ烧烤场，仲有海边独立BBQ屋！海边独立空间，加上BBQ花园， 房间内设有麻雀耍乐、卡拉OK及私人影院，而烧烤场内提供多款食物及饮品。

白石BBQ烧烤除了可与家人享天伦之乐、与情人共赏美景，更可与一班好友BBQ烧烤畅聚，令繁忙都市人舍弃日常急速的步伐，去享受大自然及陶醉於落日美景的郊游及BBQ烧烤好去处。

4.天水围小农庄烧烤场

天水围超大小农庄烧烤欢乐场所，场地挂上漂亮灯笼装饰，好有中秋气氛，而且场地非常大，一家大细一齐去烧野食就最好不过啦！重点系好多场内设施可以比小朋友玩，包括有儿童电动车，气垫床，大型鱼塘，而大人就可以租借麻雀枱（$200/6小时，另加$100按金），另外如果人多仲可以租VIP房间，够晒私隐度！